ਭੁੱਖੇ ਸਾਧੂ

ਲੇਖਕ-ਕਿਰਨਪ੍ਰੀਤ ਸਿੰਘ, ਮੋਬਾ. 99156-01849

ਕਿੰਨੀ ਭੁੱਖ ਤਿਖੇਰੀ ਹੋਣੀ

ਕਿੰਨੇ ਪੰਧ ਪਿਆਸੇ ਹੋਣੇ 

ਕਿੰਨੀਆਂ ਰਾਤਾਂ ਭਰਮਣ ਭਟਕੇ 

ਕਿੱਡੇ ਸਿਦਕ ਦਿਲਾਸੇ ਹੋਣੇ 

ਕਿੰਨੀ ਭੁੱਖ……. 

ਜੁਗਾਂ ਜੁਗਾਂਤਰ ਗੋਰਖ ਧੰਧੇ 

ਮਾਲਾ ਤਸਬੀ ਸਾਸ ਚੜਾਉਣੇ 

ਕਲੀ ਕਲੰਦਰ ਮਸਜਿਦ ਮੰਦਰ 

ਰਿਧੀਆਂ ਸਿੱਧੀਆਂ ਹੈਨ ਖਿਡੌਣੇ 

ਕਿੰਨੇ ਰੂਪ ਕਿਆਸੇ ਹੋਣੇ। 

ਕਿੰਨੀ ਭੁੱਖ……. 

ਇਸ਼ਕ ਨੇ ਜੋਗੀ ਕਰਕੇ ਛੱਡੇ 

ਜੋਗ ਤੋਂ ਵੱਡੀ ਹੀਰ ਪਿਆਰੀ 

ਪੰਧ ਬਾਹਰ ਦੇ ਮੁੱਕ ਮੁਕਾਕੇ 

ਸਿਆਲਾਂ ਦੇ ਵੱਲ ਕਰ ਤਿਆਰੀ 

ਕੈਦੋਂ ਹੱਥ ਗੰਡਾਸੇ ਹੋਣੇ

ਕਿੰਨੀ ਭੁੱਖ……. 

ਮਿਟ ਜਾਂਦੀ ਭੁੱਖ ਧੁੰਧ ਹਨੇਰਾ 

ਖੁਦ ਵਰਤਾਵਾ ਆਪ ਜੇ ਹੋਵੇ 

ਮਨ ਜਿੱਤ ਕੇ ਜਗਜੀਤ ਹੋਵੰਦੇ

ਵਿਚ ਪਰਸ਼ਾਦੇ ਜਾਪ ਜੇ ਹੋਵੇ 

ਹਿਰਦੇ ਗੁਰੂ ਤਰਾਸ਼ੇ ਹੋਣੇ

ਕਿੰਨੀ ਭੁੱਖ ਤਿਖੇਰੀ ਹੋਣੀ 

ਕਿੰਨੇ ਪੰਧ ਪਿਆਸੇ ਹੋਣੇ 

ਕਿੰਨੀਆਂ ਰਾਤਾਂ ਭਰਮਣ ਭਟਕੇ 

ਕਿੱਡੇ ਸਿਦਕ ਦਿਲਾਸੇ ਹੋਣੋ